Recollimos e traducimos da web do "Boletín Tokata" esta crónica que da conta dos malos tratos recebedos por F.J.F.C. :
A
última agresión denunciada por internos do cárcere de Teixeiro contra
funcionarios da prisión por malos tratos pon outra vez sobre a mesa a
impunidade de que goza este tipo de prática, tan infame como ilegal,
apesar das reiteradas denuncias de que o penal foi obxecto dende a súa
entrada en funcionamento.
Arbitrariedade, abusos e tortura
O
pasado día 8 de maio, en torno ás 16:45, cando saía da cela para ir ao
patio, F.J.F.C., preso no cárcere de Teixeiro, é interceptado por un
funcionario (individuo de cabelo rubio e grande envergadura fisica que
responde ao nome de Pedro) que lle comina a volver á súa cela. F.J.F.C.
obedece, pero como oe abrir as portas das celas lindantes, pregunta polo
interfono por que non abren a súa, ao que o funcionario antes
identificado contesta que porque el mesmo decidiu non ir ao patio.
F.J.F.C. recorda que non renunciou á saída e que, se quixese renunciar,
tería que telo feito por escrito asinado, cousa que non fixo en ningún
momento.
Cando outro interno lle comenta
que o funcionario afirma que non saír ao patio fora decisión súa,
F.J.F.C. volve preguntar polo interfono e obtén como resposta unha frase
ameazadora: “Espero que se haya equivocado porque como no se haya
equivocado se va a la enterar”. Ante a insistencia de F.J.F.C., o
funcionario contesta: “Me tiene usted hasta los huevos, usted ha
renunciado al patio, le quedó claro, si no le quedó claro voy y se lo
explico de otra manera”.
Como tampouco lle permiten chamar, á
hora da cea F.J.F.C. pergunta se tamén "renunciou" ao dereito á chamada
diaria e comunica que dende ese momento (tarde do 8 de maio), en
protesta por estas arbitrariedades, está en folga de fame, polo que
entrega as instancias correspondentes. O funcionario (Pedro) négase a
recollelas e exclama, dirixíndose ao seu compañeiro, “Cierra las puertas
y los ordenanzas que se vayan fuera que vamos a entrar a por él”, o que
fai seguido doutros dous funcionarios.
“Vaya desnudándose”
ordena e, cando F.J.F.C. está quitandose o suadoiro, dálle unha puñada
na meixela esquerda (que deixa marcas aínda visibles varios días
despois), tirándoo contra a cama. Continua mallándoo mentres outro dos
funcionarios presentes o suxeita por unha perna na que padece unha grave
doenza que lle causa unha importante coxeira. Nese momento os presos
das celas lindantes comezan a golpear as portas berrando que deixen de
maltratar F.J.F.C. O xa varias veces mencionado Pedro pide que abran a
cela de G.W.M., entra nela berrando “¿por qué coño picas? quita las
manos de los bolsillos”, golpea G.W.M. tirado no chan causandole lesións
en varias costelas (que deixan marcas aínda visibles varios días
despues).
Cando finalmente marchan os funcionarios, o preso da
outra cela lindante, J.J.P.G., ao ver que F.J.F.C. non responde ás
chamadas, avisa polo interfono e pide a presenza do médico.
Regresan
os mesmos funcionarios acompañados do Xefe de Servizo, trasladan
F.J.F.C. a outra galería mentres o identificado como Pedro exclama:
“Porque está el Jefe de Servicio delante sino te reventaba, vaya 91.3 de
mierda que eres, te dejas pegar por un funcionario, seguro que estás en
primer grado por dejarte pegar por los funcionarios”.
Entrementres
vai dándolle puñazos no peito ao tempo que outro dos funcionarios (este
con lentes) afirma “ya le dijimos que pegarle fuego no le iba a servir
de nada, aquí no andamos con chiquilladas”. No momento de entrar na
cuarta galería, Pedro exclama: “Voy a poner a tu familia de luto. Para
la última celda, que se joda allí", pero o funcionario de lentes advirte
que nesa cela non poden metelo pois é a de suxección mecánica e é
levado a outra. Cando F.J.F.C. está a quitar o reloxo e os cordóns como
se lle ordenou, Pedro continua dándolle labazadas na cara apesar das
protestas do preso.
Sobre as 20:00 horas preséntanse na cela á
subdirectora de seguridade acompañada polo mesmo xefe de servizo e a
médica, que chaman fóra. F.J.F.C. conta á subdirectora o que aconteceu, a
prohibición de saír ao patio e realizar a chamada diaria, a mentira del
ter renunciado e as tres malleiras que lle propinou o funcionario que
identifica como Pedro. A médica pregúntalle a través da porta da cela,
sen velo, se ten algunha lesión e comenta que o sente demasiado nervioso
polo que, antes que nada, quere inxectalo, ao que F.J.F.C. négase.
Despois dálle unha pastilla para o corazón e outra de SEROTEL 100, que
el se nega a tomar debido ao tratamento psiquiátrico que está a seguir.
Posteriormente a F.J.F.C. foille notificada a apertura de parte por tres faltas moi graves e unha falta grave.
Dende
ese momento e ata hoxe está a manter unha folga de fame e de sede
demandando que lle retiren os partes e a volta á galería onde se
encontraba.
http://abordaxerevista.blogspot.com/2012/05/mais-malos-tratos-e-impunidade-em.html
Iscriviti a:
Commenti sul post (Atom)
Nessun commento:
Posta un commento